Karli sagt Danke und sucht ein neues Zuhause

 

Grias eich, i bins wieda, da Karli!

So, jetzt is soweit, i derf ausziang, i bin bereit.

Eigentli gehts ma do recht guat und olle san furchtboar nett und wahrscheinlich werns mi olle vermissen weils mi so ins Herz gschlossn hom (Koa Wunder bei meim Gschau), owa i hobs erna gsogt, sie miassn do jetzt stoark sei und miassn mi gehn lossn. Es hüft jo nid, konn jo nid nu Monate long do drinnen sitzen. Mecht jo a wieda a schens Dahoam wo i mei restliches Leben vabringa konn. Gesundheitlich gehts ma einwandfrei und meine Hoar wochsn a scho wieda sche noch. :)

Zu mir söbst konn i nur song, i bin a ziemlich verschmuster Wohnungskater, bin 13 Joahr oid und kastriert. Hörn dua i hoit fost nix mehr, owa des wissts jo eh scho von meiner Gschicht.
I bin eher gemütlich owa ob und zua do mog i scho moi spün, des kimt a vor.

Und wünschn dua i ma vor allem gonz gonz viel Liebe, des is ma voi wichtig. Und an Einzelplatz, damit ma sich gnuag um MI kümmern konn. Am Besten ohne kloane Kinder, weil des is ma ois oafoch zu hektisch, i mogs liawa ruhig. Und natürlich kum i nur als Wohnungskatze, weil i imma scho oane woar und es draußn zu gfährlich warat fia mi.

Wonnst du glaubst das du mit mir "oid" wern wüst und da richtige Plotz fia mi bist, donn meld di oda kumm vorbei.

Und jetzt mecht i mi nu bei olle do draußn bedanken, de fia mi gespendet hom und de mir de Daumen so druckt hom. I gfrei mi total das mei Gschicht so mitverfolgt hobts und hoff i hob eich a des oane oda ondare Schmunzeln bescherrt.
I finds toll das eich olle gibt und das olle so zomhoitn.

Liabe Leit, i wünsch eich olles olles Guate und wer weiß, vielleicht liest ma sich jo wieda moi!

Bis boid!

In Liebe
Euer Karli

 

25.05.2018